పాకిస్థాన్‌లో ఘోర విషాదం..రోడ్డు ప్రమాదంలో 10 మంది మృతి!

- November 20, 2026 , by Maagulf
పాకిస్థాన్‌లో ఘోర విషాదం..రోడ్డు ప్రమాదంలో 10 మంది మృతి!

పాకిస్థాన్‌లోని మక్రాన్ కోస్టల్ హైవేపై తీవ్ర విషాదకర రోడ్డు ప్రమాదం చోటుచేసుకుంది. ప్రయాణికులతో ప్రయాణిస్తున్న ఒక బస్సు, ఎల్‌పీజీ గ్యాస్ ట్యాంకర్‌ను బలంగా ఢీకొట్టింది. ఈ ప్రమాద తీవ్రతకు ఇరు వాహనాల్లోనూ ఒక్కసారిగా పెద్ద ఎత్తున మంటలు చెలరేగాయి.

ముగ్గురు చిన్నారులతో సహా 10 మంది మృతి.. 27 మందికి గాయాలు
ఈ దుర్ఘటనలో ముగ్గురు చిన్నారులు సహా మొత్తం 10 మంది ప్రాణాలు కోల్పోయారు. మరో 27 మంది ప్రయాణికులు గాయపడ్డారు. కొద్ది నిమిషాల్లోనే రెండు వాహనాలు పూర్తిగా మంటల్లో చిక్కుకోవడంతో ఘటనా స్థలంలో తీవ్ర విషాదం నెలకొంది.

బస్సులో 40 మందికి పైగా ప్రయాణికులు.. సహాయక చర్యలకు ఆటంకం
ప్రమాదం జరిగిన సమయంలో బస్సులో మహిళలు, పిల్లలతో కలిపి 40 మందికి పైగా ప్రయాణికులు ఉన్నట్లు సమాచారం. మంటలు తీవ్రరూపం దాల్చడంతో సహాయక చర్యలు చేపట్టడానికి ఆటంకం ఏర్పడింది.

మృతదేహాల వెలికితీత.. క్షతగాత్రులు ఆసుపత్రికి తరలింపు
బస్సు నుంచి ఎనిమిది మృతదేహాలను, ట్యాంకర్ నుంచి రెండు మృతదేహాలను వెలికితీసినట్లు స్థానిక పోలీసులు తెలిపారు. మొత్తం 10 మంది కాలిన గాయాలతో మరణించగా, గాయపడిన మరో 27 మందిని చికిత్స నిమిత్తం సమీప ఆసుపత్రులకు తరలించారు.

Click/tap here to subscribe to MAAGULF news alerts on Telegram

తాజా వార్తలు

- మరిన్ని వార్తలు

Copyrights 2015 | MaaGulf.com