కువైట్‌లో ఆహార భద్రత తనిఖీలు..!!

- November 20, 2026 , by Maagulf
కువైట్‌లో ఆహార భద్రత తనిఖీలు..!!

కువైట్ : కువైట్‌లో ఆహార భద్రతా నిబంధనలను ఉల్లంఘించిన ఆహార విక్రయ కేంద్రాలపై అధికారులు తనిఖీలు నిర్వహించారు. ఫర్వానియా గవర్నరేట్ పరిధిలో చేపట్టిన ఈ తనిఖీల్లో మొత్తం 53 ఉల్లంఘనలను గుర్తించారు. దీంతో పాటు నిబంధనలకు విరుద్ధంగా ఉన్న 214 కిలోల ఆహార పదార్థాలను ధ్వంసం చేశారు.

పబ్లిక్ అథారిటీ ఫర్ ఫుడ్ అండ్ న్యూట్రిషన్ ఆధ్వర్యంలో అంతర్గత వ్యవహారాల మంత్రిత్వ శాఖ, ఇతర సంబంధిత ప్రభుత్వ విభాగాల సమన్వయంతో ఈ తనిఖీ కార్యక్రమం నిర్వహించారు. మొత్తం 45 ఆహార విక్రయ కేంద్రాలను అధికారులు తనిఖీ చేశారు.

ప్రజారోగ్య పరిరక్షణ, ఆహార భద్రతా ప్రమాణాల అమలును నిర్ధారించేందుకు తనిఖీలు నిరంతరం కొనసాగిస్తామని కువైట్ పబ్లిక్ అథారిటీ ఫర్ ఫుడ్ అండ్ న్యూట్రిషన్ స్పష్టం చేసింది. ఆహార విక్రయ సంస్థలు నిబంధనలను తప్పనిసరిగా పాటించాలని సూచించింది.

Click/tap here to subscribe to MAAGULF news alerts on Telegram

తాజా వార్తలు

- మరిన్ని వార్తలు

Copyrights 2015 | MaaGulf.com