అష్గల్‌, కొత్త పంపింగ్‌ స్టేషన్‌, ట్రీటెడ్‌ సీవేజ్‌ ఎఫ్లుయెంట్‌ (టిఎస్‌ఇ) ప్లాంట్‌ పనుల్ని మెసైమీర్‌లోని లేబర్‌ సిటీలో పూర్తి చేసింది. ఈ పనులతో మొత్తం 75,000 మంది కార్మికులకు ఉపయోగకరంగా ఉండనుంది. వీరందరికీ రానున్న రోజుల్లో అకామడేషన్‌ కోసం ఏర్పాట్లు చేసినట్లు పబ్లిక్‌ వర్క్స్‌ అథారిటీ వర్గాలు వెల్లడించాయి. పంపింగ్‌ స్టేషన్‌ నిర్మాణం, రిహాబిలిటేషన్‌ ప్రాజెక్టులు, 27 పంప్‌ స్టేషన్ల నిర్మాణం అలాగే అభివృద్ధి, 18 రైజింగ్‌ మెయిన్స్‌ని దోహా, అల్‌ వక్రా, అల్‌ రయ్యాన్‌, సాలియా వంటి ప్రాంతాల్లో విస్తరించడం ఐదున్నరేళ్ళలోపు పూర్తవుతుంది. లేబర్‌ సిటీ కొత్త నిర్మాణాల కోసం మొత్తంగా 61.8 మిలియన్‌ ఖతారీ రియాల్స్‌ ఖర్చవుతోంది. మల్టీ ఫేస్‌ పంప్‌ స్టేషన్‌నిర్మాణం మరియు అప్‌గ్రేడేషన్‌ కోసం 1.1 మిలియన్‌ ఖతారీ రియాల్స్‌ ఖర్చవుతుంది. సెకెనుకు 417 లీటర్ల కెపాసిటీతో లేబర్‌ సిటీలోని ఇండస్ట్రియల్‌ ట్రీట్‌మెంట్‌ప్లాంట్‌ని పూర్తి చేశారు. 3 కిలోమీటర్ల మేర టిఎస్‌ఇ లైన్‌ని నిర్మించి, దాని ద్వారా లేబర్‌ సిటీ లాండ్‌ స్కేప్‌ కోసం పాగునీటిని సరఫరా చేస్తారు.