భారత అంతరిక్ష పరిశోధనా సంస్థ(ఇస్రో) ఈ నెలలో రెండు ఉపగ్రహాలను పరీక్షించనుంది. సెప్టెంబరు 8న 'ఇన్‌శాట్‌-3డీఆర్‌' అనే ఉపగ్రహాన్ని ప్రయోగించనున్నారు. సెప్టెంబరు చివరిలో స్కాట్‌శాట్‌అనే మరో ఉపగ్రహాన్ని నింగిలోకి పంపనున్నట్లు ఇస్రో ఛైర్మన్‌ ఏఎస్‌ కిరణ్‌ కుమార్‌ తెలిపారు. వాతావరణ వివరాలు మరింత స్పష్టంగా తెలుసుకునేందుకు ఉపయోగపడే 'ఇన్‌శాట్‌- 3డీఆర్‌' ఉపగ్రహాన్ని గత నెల 28న ప్రయోగించాలను కున్నారు. కానీ, కొన్ని సాంకేతిక కారణాల వల్ల ప్రయోగం వాయిదా పడింది. దీనిని 2013లో ఫ్రెంచ్‌ గయానా నుంచి ప్రయోగించిన 'ఇన్‌శాట్‌-3డీ' ఉపగ్రహానికి అనుసంధానించనున్నారు.