మెక్సికోలోని జాతీయ రహదారిపై జరిగిన ఎదురుకాల్పుల్లో 11 మంది మృతిచెందారు. టెక్సాస్‌లోని న్యూవో లారెడోలో హైవే ప్రాంతంలోని సరిహద్దులో మాదకద్రవ్యాలు తరలిస్తున్నట్లు ముఠాను సైనికులు అడ్డుకున్నారు. దీంతో దుండగులు కాల్పులు జరపడంతో సైనికులు ఎదురుకాల్పులు జరిపారు. ఈ ఘటనలో ఎనిమిది మంది దుండగులు.. ఇద్దరు సైనికులు ప్రాణాలు కోల్పోయారు. దుండుగులు అక్రమంగా తరలిస్తున్న మాదక ద్రవ్యాలను, ట్రక్కును పోలీసులు స్వాధీనం చేసుకున్నారు.
ఈ ఘటన జరిగిన గంట తర్వాత అదే ప్రాంతంలో మరోసారి కాల్పులు చోటుచేసుకున్నాయి. ఈ ఘటనలో రహదారిపై కారులో వెళ్తున్న ఓ మహిళ చనిపోయింది. వరుస కాల్పుల కారణంగా మెక్సికో నుంచి అమెరికాకి వెళ్లే రహదారిని తాత్కాలికంగా మూసివేశారు. దీంతో ఇరుదేశాల మధ్య ఎగుమతి, దిగుమతులు నిలిచిపోయాయి.