సౌదీ అరేబియాలో జీతాలకు సంబంధించి ఇదొక శుభవార్త. జిసిసి దేశాలకు సంబంధించిన సర్వే ప్రకారం, వచ్చే ఏడాది సౌదీ అరేబియాలో జీతాల్లో 4.9 శాతం పెరుగుదల ఉండొచ్చని తేలింది. ఇది జిసిసిలోని మిగతా దేశాలతో పోల్చితే ఎక్కువే. గ్లోబల్‌ రిక్రూట్‌మెంట్‌ కంపెనీ ఏయాన్‌ హెవిట్‌ ఈ సర్వే నిర్వహించింది. ఈ ఏడాది 4.6 శాతం ఇంక్రిమెంట్‌ ఉందని తేల్చింది. 2017లో సరాసరి 4.7 శాతం పెరుగుదల ఉండొచ్చని సర్వే ద్వారా వెల్లడయ్యింది. 2016లో ఈ సంస్థ అంచనాల మేరకే జీతాల పెరుగుదల శాతం నమోదయ్యింది. ఫార్మాస్యూటికల్‌, మీడియా మరియు ఫుడ్‌, బెవరేజ్‌, టొబాకో ఇండస్ట్రీస్‌ గత ఏడాది మంచి పెరుగుదలనే నమోదు చేశాయి. టెల్కోస్‌, కన్‌స్ట్రక్షన్‌, ఆయిల్‌ మరియు గ్యాస్‌ తదితర విభాగాల్లో పెరుగుదల తక్కువే నమోదయ్యింది. అంతర్జాతీయంగా ముడిచమురు ధరల ప్రభావం కూడా జీతాల పెరుగుదలపై బాగానే పడనుంది. ఇంకో వైపున ఒమన్‌, యూఏఈ కూడా 2017లో 4.6 శాతం జీతాల పెరుగుదలను నమోదు చేయవచ్చు. కువైట్‌కి చెందిన సంస్థలు 4.8 శాతం పెరుగుదలను నమోదు చేయడానికి ఆస్కారముంది. బహ్రెయిన్‌లో 4.7 శాతం వరకు ఈ పెరుగుదల ఉంటుందని అంచనా. రీజియన్‌లో అతి తక్కువ జీతాల పెరుగుదలను ఖతార్‌ నమోదు చేయవచ్చు. ఈ శాతం 4.5గా ఉండొచ్చు.