ఇటీవల కొత్తగా ప్రారంభమైన రెహా మ్యూజిక్‌ మరియు షడాన్స్‌ ఇన్‌స్టిట్యూట్‌, తాజాగా రెహా సన్‌ఫెస్ట్‌ అండ్‌ కరోకె నైట్‌ 2016 పేరుతో ఓ ఈవెంట్‌ని నిర్వహించింది. రెండు నెలలపాటు సాగిన సమ్మర్‌ క్యాంప్‌కి ఫినాలెగా ఈ ఈవెంట్‌ని నిర్వహించినట్లు నిర్వాహకులు తెలిపారు.గల్ఫ్‌ మోడల్‌ స్కూల్‌, అల్‌ ముహైసినాలో జరిగిన ఈ వెంట్‌కి పలువురు ప్రముఖులు, పేరెంట్స్‌, శ్రేయోభిలాషులు హాజరయ్యారు. 3 నుంచి 14 ఏళ్ళలోపు విద్యార్థులు తమ టాలెంట్‌ని ఈ వేదికపై ప్రదర్శించారు. సమ్మర్‌ క్యాంప్‌లో తాము నేర్చుకున్న పలు విభాగాల్లో ప్రదర్శనలు ఇచ్చారు. పాటలు, డాన్స్‌, మిమిక్రీ వంటివాటితో మూడు గంటలపాటు ఈవెంట్‌ అంగరంగ వైభవంగా జరిగింది. అలాగే ఈ ఈవెంట్‌లో ఆర్ట్‌ అండ్‌ క్రాఫ్ట్‌ వర్క్స్‌ ఎగ్జిబిషన్‌ కూడా నిర్వహించారు. విజయ్‌ భాస్కర్‌ టీమ్‌ నేతృత్వంలో తమిళ్‌ ఫోక్‌ బేస్డ్‌ మ్యూజిక్‌ బ్యాండ్‌ 'అంతరా'తో ఈ కార్యక్రమం ముగిసింది. రెహా మ్యూజిక్‌ అండ్‌ డాన్స్‌ ఇన్‌స్టిట్యూట్‌ నిర్వాహకులు రేణుక, హరిదా ఆహూతులకు కృతజ్ఞతలు తెలిపారు.