యూఎస్‌ ఓపెన్‌ టెన్నిస్‌ టోర్నీలో భారత క్రీడాకారులు మిశ్రమ ఫలితాలు కనబరిచారు. మహిళల డబుల్స్‌లో సానియా మీర్జా జోడీ క్వార్టర్స్‌కు దూసుకెళ్లగా.. మిక్స్‌డ్‌ డబుల్స్‌ నుంచి బోపన్న జోడీ నిష్క్రమించింది.
ప్రీక్వార్టర్స్‌లో అమెరికా, జపనీస్‌ జోడీ నికోలే గిబ్స్‌- నావో హిబినోపై సానియా-స్ట్రైకోవా ద్వయం 6-4, 7-5 వరుస సెట్లతో గెలుపొందింది. దీంతో మహిళల డబుల్స్‌లో సానియా జోడీ క్వార్టర్‌ ఫైనల్‌కు చేరుకుంది. క్వార్టర్స్‌లో ఫ్రెంచ్‌ టాప్‌ సీడ్స్‌ కరోలిన్‌ గార్షియా-క్రిస్టినాతో సానియా జోడీ తలపడనుంది. .
ఇక మిక్స్‌డ్‌ డబుల్స్‌ క్వార్టర్స్‌లో ఓటమిపాలైన బోపన్న జోడీ టోర్నీ నుంచి నిష్క్రమించింది.

క్వార్టర్స్‌లో రాబర్ట్‌ ఫరా(కెనడా), అన్నా లెనా(జర్మనీ) జోడీ చేతిలో బోపన్న-డబ్రోవ్‌స్కీ ద్వయం 6-1, 2-6, 8-10 సెట్లతో హోరాహోరీగా పోరాడి ఓడిపోయింది.