దోహా ఎమిర్‌ షేక్‌ తమిమ్‌ బిన్‌ హమాద్‌ అల్‌ థని, భారత ప్రధాని నరేంద్రమోడీ నుంచి లిఖిత పూర్వక సందేశం అందుకున్నారు. ఇరు దేశాల మధ్య సన్నిహిత సంబంధాలు ఇంకా గొప్పగా కొనసాగాలని ఈ లేఖలో నరేంద్రమోడీ ఆకాంక్షించారు. సంబంధాల బలోపేతం కోసం ఇరువురం కలిసి పనిచేద్దామని పేర్కొన్నారు నరేంద్రమోడీ. దోహాలో పర్యటిస్తున్న భారత కేంద్ర సహాయ మంత్రి (విదేశీ వ్యవహారాలు) వికె సింగ్‌, విదేశాంగ శాఖ మంత్రి షేక్‌ మొహమ్మద్‌ బిన్‌ అబ్దుల్‌రహమాన్‌ అల్‌ థనికి ఈ లేఖను అందించారు. ఆయన ఆ లేఖను, ఎమిర్‌ షేక్‌కి అందించారు.