చైనా ఉపగ్రహ ప్రయోగం విఫలమైనట్లు అక్కడి మీడియా వర్గాల నుంచి సమాచారం వెలువడింది. శాంక్సి రాష్ట్రంలోని తైయువాన్‌ ఉపగ్రహ ప్రయోగ కేంద్రం నుంచి ఈరోజు ప్రయోగించిన రాకెట్‌ విజయవంతం కాకపోవడంతో రాకెట్‌ ద్వారా పంపిన హై టెక్నాలజీ ఉపగ్రహం నిర్ణీత కక్ష్యలోకి ప్రవేశించలేదని తెలుస్తోంది. చైనాలోని ప్రొఫెషనల్‌ వ్యోమగామ నిపుణులు నడిపించే www.aihangtian.com ప్రకారం ఈరోజు లాంగ్‌ మార్చ్‌ రాకెట్‌ 4సీ ద్వారా గోఫెన్‌-10 అనే ఉపగ్రహాన్ని కక్ష్యలోకి ప్రవేశపెట్టడంలో విఫలమైనట్లు పేర్కొన్నారు. అయితే దీనిపై చైనా అధికారికంగా ఎలాంటి ప్రకటన చెయ్యలేదు.