ప్రముఖ ఇంటర్నెట్‌ సెర్చింజన్‌ 'గూగూల్‌' మొబైల్‌ వినియోగదారులకు సరికొత్త ఫీచర్‌ను అందుబాటులోకి తెచ్చింది. 'రివ్యూ ఫ్రం ద వెబ్‌' పేరిట ఈ ఫీచర్‌ను విడుదల చేసింది.దీని ద్వారా.. ప్రాంతాలు, టీవీ షోలు, రెస్టారెంట్లు, సినిమాలు తదితర అంశాలపై ఒక యూజర్‌ రాసే రివ్యూలను వేరే యూజర్‌ కూడా సులువుగా పొందవచ్చు. ఉదాహరణకు ఒక ప్రదేశానికి సంబంధిన రివ్యూను యూజర్‌ అప్‌లోడ్‌ చేస్తే.. వేరే మొబైల్‌ నుంచి ఆ ప్రాంత సమాచారాన్ని మరో వినియోగదారుడు కోరినప్పుడు ఈ రివ్యూను అతడు కూడా చూసే వెసులుబాటు ఉంటుంది. ఈ ఫీచర్‌ వివిధ ప్రదేశాలు, టీవీ షోలు, రెస్టారెంట్లు, సినిమాలకు సంబంధించిన విషయాలను గురించి తెలుసుకుకోవడానికి చాలా ఉపయోగపడుతుందని భావిస్తున్నారు.