తల్లిదండ్రులకు తాత్కాలిక వీసా నిబంధనల సవరణలపై వలసదారుల సలహాలు తీసుకుంటామని ఆస్ట్రేలియా ప్రభుత్వం శుక్రవారం ప్రకటించింది. ఐదేళ్ళ టెంపరరీ స్పాన్సర్డ్ పేరెంట్ వీసాలు జారీ చేయడం గురించి పటిష్ఠ విధానాన్ని రూపొందిస్తామని పేర్కొంది. దీనికోసం ప్రవాస భారతీయులు ఏడాదిగా డిమాండ్ చేస్తున్నారు. ప్రభుత్వ తాజా ప్రకటనను వారంతా ఆసక్తిగా గమనిస్తున్నారు. టెంపరరీ స్పాన్సర్డ్ పేరెంట్ వీసాకు సంబంధించిన 5 కీలకాంశాలు : 1. ఆస్ట్రేలియాలోని వలసదారుల తల్లిదండ్రులు ప్రైవేటు హెల్త్ ఇన్సూరెన్స్ చేయించుకోవాలి. వారు ఈ వీసాను పొందేందుకు తమ పిల్లలు తమకు ఆర్థిక మద్దతును ఇస్తున్నట్లు చూపించాలి. హెల్త్ సిస్టమ్‌పై అదనపు భారం పడకుండా ఈ చర్యలు దోహదపడతాయని ప్రభుత్వం భావిస్తోంది.

. 2. 2017 జూలైనాటికి ఈ కొత్త వీసా అందుబాటులోకి వస్తుంది. 3.

ఈ వీసాలు ఆస్ట్రేలియన్ సిటిజెన్స్‌కు, పర్మినెంట్ రెసిడెంట్స్‌కు, అర్హతగల న్యూజిలాండ్ సిటిజెన్స్‌కు ఇస్తారు. 4. వీసా ఫీజుల గురించి ఇప్పటి వరకు ప్రకటన వెలువడలేదు. ఇప్పుడు ఉన్న దాని కన్నా అందుబాటులో ఉంటుందని ఇమ్మిగ్రేషన్ సహాయ మంత్రి హాకే చెప్పారు.

5. అక్టోబరు 31 అర్ధరాత్రి లోగా కమ్యూనిటీ నేతలు తమ అభిప్రాయాలను, సలహాలను ఇవ్వవచ్చు.