రా మ్‌, రాశీ ఖన్నా నటించిన చిత్రం 'హైపర్‌'. ప్రతి ఇంట్లో ఒకడుంటాడు ఉపశీర్షిక. సంతోష్‌ శ్రీన్‌వాస్‌ దర్శకుడు. రామ్‌ ఆచంట, గోపీ ఆచంట, అనిల్‌ సుంకర నిర్మాతలు. హైదరాబాద్‌లో 'హైపర్‌' ప్రచార చిత్రాన్ని నాని, సుకుమార్‌, హరీష్‌కుమార్‌ సంయుక్తంగా విడుదల చేశారు. దర్శకుడు మాట్లాడుతూ ''ప్రతి వ్యక్తి జీవితానికి పునాది నాన్న. అలాంటి నాన్నని పిచ్చిగా ప్రేమించే కొడుకు కథ ఇది. వినోదం, యాక్షన్‌తో పాటు వాణిజ్య హంగులన్నీ ఉన్నాయ''న్నారు. రామ్‌ మాట్లాడుతూ ''నా కన్నా హైపర్‌గా సంతోష్‌ శ్రీనివాస్‌ పనిచేసి తెరకెక్కించాడు.నాన్న సంతోషాన్ని కోరుకునే కొడుకు కథ. సత్యరాజ్‌, రావు రమేష్‌, మురళీశర్మలు ఈ చిత్రానికి మూల స్తంభాలు. ఈ నెల 30న విడుదలవుతుంద''న్నారు. ఈ కార్యక్రమంలో చిత్ర నిర్మాతలు, మురళీ శర్మ, కిశోర్‌ తిరుమల, దామోదర ప్రసాద్‌, స్రవంతి రవికిశోర్‌, రామజోగయ్య శాస్త్రి, అబ్బూరి రవి, జిబ్రాన్‌, రాశీఖన్నా తదితరులు పాల్గొన్నారు.