హీరో మంచు విష్ణు ప్రస్తుతం 'లక్కున్నోడు' చిత్రం చేస్తున్నాడు. భారీ వర్షాల కారణంగా వరదలో చిక్కుకుపోయిన వారిని ఆదుకోవడానికి షూటింగ్‌కి కాస్త బ్రేక్ ఇచ్చి సహాయక చర్యలు చేపట్టాడు. హైదరాబాద్‌లోని విష్ణు స్ర్పింగ్ బోర్డు అకాడమీ క్యాంపస్‌లోని 20కి పైగా బ్రాంచీల వారి సహకారంతో బాధితులకు ఆహారం, నీరు, బ్లాంకెట్స్ అందజేస్తున్నారు. అలాగే ఇక్కడ జనరేటర్స్ సహాయంతో స్పెషల్ చార్జింగ్ పాయింట్స్‌ను కూడా పెట్టారు.దీంతో మొబైల్స్‌, మిగతా ఎలక్ర్టానిక్ పరికరాలను చార్జింగ్ చేసుకునే సౌకర్యం కల్పిస్తున్నారు. సహాయం కోసం నిజాంపేట, కె.పి.హెచ్‌.బి కాలనీ, నాచారం, మియాపూర్‌లలోని స్ప్రింగ్ బోర్డ్ అకాడమీలలో సంప్రదించాలి అని చెప్పారు. శనివారం నుండి మూడు రోజుల వరకు విష్ణు అండ్ టీం ఈ సహాయ కార్యక్రమాలను అందించనున్నారు.