చైనాను మెగీ తుపాను ముంచెత్తుతోంది. రెండు రోజుల పాటు తైవాన్‌ను వణికించిన మెగీ తుపాను బుధవారం చైనాకు మళ్లింది. తుపాను కారణంగా జీజాంగ్‌ ప్రావిన్స్‌లోని సుకున్‌ గ్రామంలో కొండచరియలు విరిగిపడ్డాయి. ఈ ప్రమాదంలో 32 మంది గల్లంతయ్యారు. గ్రామంలోని ఇళ్లు పూర్తిగా నీటమునిగాయి. సహాయక బృందాలు ఇప్పటివరకు 15 మందిని కాపాడాయి. గల్లంతైన వారి కోసం గాలింపు చేపడుతున్నారు. రెండ్రోజుల పాటు ప్రజలు ఇళ్లలోంచి బయటికి రావొద్దని వాతావరణ శాఖ అధికారులు హెచ్చరికలు జారీ చేశారు. ఇదే నెలలో చైనాలో బీభత్సం సృష్టించిన మెరంటి టైఫూన్‌ కారణంగా 26 మంది ప్రాణాలు కోల్పోయారు.