దోహా: దోహా మునిసిపాలిటీ ఆరు ఫుడ్‌ ఎస్టాబ్లిష్‌మెంట్స్‌ మూసివేసేలా నిర్ణయాల్ని వెల్లడించింది. ఫుడ్‌ సేఫ్టీ రెగ్యులేషన్స్‌ని అతిక్రమించిన నేరానికిగాను ఈ చర్యలు తీసుకుంటున్నారు. మునిసిపాలిటీ డైరెక్టర్‌ జమాల్‌ మటర్‌ అల్‌ నౌమి ఈ మేరకు నిర్ణయాల్ని వెల్లడించారు. 7 రోజుల నుంచి 60 రోజలపాటు ఆయా ఎస్టాబ్లిష్‌మెంట్స్‌ని మూసివేసేలా ఆదేశాలు జారీ చేశారు. ఇండస్ట్రియల్‌ ఏరియాలోని కెఫెటేరియా, బిన్‌ ఒమ్రాన్‌లోని గ్రోసరీ మరియు రెస్టారెంట్‌, మమౌరాలోని సూపర్‌ మార్కెట్‌, నౌజియాలో కేటరింగ్‌ ఎస్టాబ్లిష్‌మెంట్స్‌, ఓల్డ్‌ ఎయిర్‌పోర్ట్‌ ఏరియాలోని కెఫెటేరియా ఈ లిస్ట్‌లో ఉన్నాయి. హెల్త్‌ కంట్రోల్‌ సెక్షన్‌ - మునిసిపల్‌ కంట్రోల్డ్‌ డిపార్ట్‌మెంట్‌, క్లోజర్‌ డెసిషన్స్‌ని ఎన్‌ఫోర్స్‌ చేసింది. ఇంకో వైపున రెయిన్‌ ఎమర్జన్సీ సర్వీసెస్‌ టీమ్‌, రెయినీ సీజన్‌లో సమస్యలు తలెత్తకుండా చర్యలు చేపట్టింది. ఇదిలా ఉండగా, అల్‌ దాయెన్‌ మునిసిపాలిటీ హెల్త్‌ కంట్రోల్‌ సెక్షన్‌, సరైన ఏర్పాట్లు లేకుండా చికెన్‌, ఫ్రూట్స్‌, వెజిటబుల్స్‌ని ట్రాన్స్‌పోర్ట్‌ చేస్తున్న రెండు వాహనాల్ని సీజ్‌ చేసింది. అల్‌ షమాల్‌, అల్‌ కోర్‌ మునిసిపాలిటీలు, పరిశుభ్రతా చర్యల్ని ముమ్మరం చేశాయి.