గత నెల బహ్రైన్ లోని సిట్రాలో ఇద్దరు పోలీ స్ వారి మృతికి,  5గురు ఇతరుల గాయాలకు కారణమైన బాంబుదాడి కేసులో ఐదుగురు నిందితులను అరెస్టు చేసినట్టు ఆ దేశ ఆంతరంగిక శాఖ వారు నిన్న ప్రకటించారు. అరెస్టు చేయబడిన వారిలో ముగ్గురు ఇరాన్ రేవల్యూషనరీ గార్డ్స్ మరియు ఇరాక్ కు చెందిన హిజ్బొల్లా గ్రూపుకు చెందిన వారి గా గుర్తించినట్టు కూడా తెలియజేశారు. సీత్ర బాంబుదాడి స్థలంలో జరిగిన ఫొరెన్సిక్ పరీక్షలలో హైగ్రేడు పేలుడు పదార్ధం  (C4) ను వాడినట్టు మేజర్ జనరల్ అల్ హస్సాన్ తెలియజేశారు. ఇంకా, నిందితుల నుండి తెలుసుకున్న సమాచారం మేరకు వివిధ బాంబులు, బాంబు తయారీ పదార్ధాలు, వాడడానికి సిద్ధం చేసిన బాంబులను కనిపెట్టినట్టు కూడా ఆయన తెలియజేశారు.

--యం.వాసుదేవ రావు (మాగల్ఫ్ ప్రతినిధి,బహ్రెయిన్)