కార్తీ-నయనతార జంటగా రానున్న మూవీ కాష్మోరా. రీసెంట్‌గా కార్తీ లుక్‌కి సినీ లవర్స్‌ని మాంచి స్పందన రాగా, ఇప్పుడు నయనతార వంతైంది. ఇందులో నయన్ రత్నమహాదేవి రోల్‌లో కనిపించనుంది. తాజాగా రిలీజైన పోస్టర్‌లో ఈమె సింహాసనంపై కూర్చొని కాసింత గాంభీర్యంగా కనిపించింది. ఈ లుక్ అభిమానులను ఎంతగానో ఆకట్టుకుంటుంది. ఇంతకీ స్టోరీ ఏంటి అంటూ చర్చించుకోవడం మొదలైంది.కాష్మోరాలో కార్తీ ట్రిపుల్ షేడ్‌లో అంటే సైనికాధికారి, గూఢచారిగా, నేటితరం యువకుడిగా మూడు భిన్నమైన క్యారెక్టర్స్ చేస్తున్నాడన్నమాట. దాదాపు షూటింగ్ ఫినిష్ కావడంతో నటీనటుల పిక్స్‌ని ఒకొక్కటిగా బయటపెడుతోంది యూనిట్. గోకుల్ డైరెక్ట్ చేస్తున్న ఈ చిత్రంలో మరో హీరోయిన్ శ్రీదివ్య కూడా కనిపిస్తోంది.ఈనెల 7న ఆడియోని రిలీజ్ చేసి, తెలుగు, తమిళంలో దీపావళికి 'కాష్మోరా'ని థియేటర్స్‌కి తీసుకురావాలన్నది మేకర్స్ థాట్.