కథానాయకుడు గోపీచంద్‌ మరోసారి సెంటిమెంట్‌ని అనుసరించేలా కనిపిస్తున్నాడు. ఎక్కువగా ఆయన చిత్రాల పేర్లు పూర్ణాక్షరాలతో ముగిసిపోతుంటాయి. లక్ష్యం, శంఖం, శౌర్యం, లౌక్యం, సౌఖ్యం, రణం, సాహసం... ఇలా చివరన సున్నాతో వచ్చిన సినిమాలే ఎక్కువ. వాటిలో చాలావరకు గోపీచంద్‌కి విజయాల్నే అందించాయి. అందుకే గోపీచంద్‌తో సినిమాలు తీసే దర్శకులు కూడా సెంటిమెంట్‌గా భావిస్తూ పూర్ణాక్షరాలతోనే పేర్లు ప్లాన్‌ చేస్తుంటారు. మరోసారి అలాంటి పేరే కుదిరేలా ఉంది. బి.గోపాల్‌ దర్శకత్వంలో గోపీచంద్‌ కథానాయకుడిగా ఓ చిత్రం తెరకెక్కుతున్న విషయం తెలిసిందే.
ఎప్పట్నుంచో సెట్స్‌పై ఉన్న ఆ సినిమాని త్వరలోనే ప్రేక్షకుల ముందుకు తీసుకురాబోతున్నారని సమచారం. ఆ చిత్రానికి 'బలం' అనే పేరు పెట్టబోతున్నట్టు తెలిసింది.