మనామా: ప్రొడక్టివ్‌ ఫేమిలీస్‌, గడచిన మూడేళ్ళలో 472,349 బహ్రెయినీ దినార్స్‌ని జనరేట్‌ చేశాయని అధికారింగా వెల్లడైన వివరాల్ని బట్టి తెలుస్తోంది. ఇప్పటిదాకా 310 లైసెన్సుల్ని మంజూరు చేశామనీ, ఇంటి నుంచే వ్యాపార కార్యకలాపాలు నిర్వహించేందుకు వీలుగా కల్పించిన ఈ అవకాశాన్ని పలువురు సద్వినియోగం చేసుకున్నారని అధికారులు తెలిపారు. ఈ అప్లికేషన్‌ కోసం 622 మంది దరఖాస్తు చేసుకున్నారు. లైసెన్స్‌ పొందిన 176 కుటుంబాలు, 20 ఎగ్జిబిషన్స్‌లో పాల్గొన్నాయి. 61150 బహ్రెయినీ దినార్స్‌ లాభాన్ని కూడా ఆర్జించాయి. ఇంకా ఇటువంటి కుటుంబాల్ని ప్రోత్సహించడం ద్వారా పెద్దమొత్తంలో రెవెన్యూని జనరేట్‌ చేయవచ్చని అధికారులు అంచనా వేస్తున్నారు.