డెన్మార్క్‌ ఓపెన్‌ బ్యాడ్మింటన్‌ టోర్నీలో రియో ఒలింపిక్‌ రజత పతక విజేత పీవీ సింధు శుభారంభం చేసింది. ఈ టోర్నీలో సింధు రెండో రౌండ్‌కు దూసుకెళ్లింది. బుధవారం రాత్రి జరిగిన మహిళల సింగిల్స్‌ తొలి రౌండ్‌ మ్యాచ్‌లో చైనా క్రీడాకారిణి బింగ్జియావోపై 21-14, 21-19 వరుస సెట్లలో సింధు గెలుపొందింది.రియో ఒలింపిక్స్‌లో పతకం సాధించిన తర్వాత సింధుకు ఇదే తొలి మ్యాచ్‌. రెండో రౌండ్లో జపాన్‌ క్రీడాకారిణి సయాకా సాటోతో సింధు తలపడనుంది. గత ఎడిషన్‌ డెన్మార్క్‌ ఓపెన్‌లో ఫైనల్‌ వరకు వెళ్లిన సింధు, ఈసారి ఎలాగైనా టైటిల్‌ సాధించాలని పట్టుదలగా ఉంది.