తమిళ హీరో కార్తీ, నయనతార, శ్రీ దివ్య ప్రధాన పాత్రలలో తెరకెక్కిన చిత్రం కాష్మోరా. గోకుల్ దర్శకత్వంలో రూపొందిన ఈ చిత్రాన్ని దీపావళి కానుకగా అక్టోబర్ 28న విడుదల చేయనున్నారు. ఈ చిత్రం తెలుగు, తమిళ భాషలలో విడుదల కానుంది. కాష్మోరా చిత్రంలో కార్తీ సైనికాధికారిగా ..గూఢచారిగా .. నేటితరం యువకుడిగా మూడు భిన్నమైన పాత్రలలో కనిపించబోతున్నాడు. ఇప్పటి వరకు విడుదలైన పోస్టర్స్ సినిమాపై భారీ అంచనాలను పెంచుతుండగా, ఇటీవల విడుదలైన ట్రైలర్ సినిమాపై ఉన్న ఎక్స్ పెక్టేషన్స్ ని పతాక స్థాయికి తీసుకెళ్ళింది. అక్టోబర్ 7న విడుదలైన చిత్ర ట్రైలర్ కి 5 మిలియన్ల వ్యూస్ రాగా రానున్న రోజుల్లో మరింత పెరగొచ్చని యూనిట్ భావిస్తోంది.మరి ట్రైలర్ కే ఈ రేంజ్ లో రెస్పాన్స్ వస్తుంటే సినిమా ఏ రేంజ్ లో సంచలనాలు క్రియేట్ చేస్తోందో అని కొందరు సినీ అభిమానులు ముచ్చటించుకుంటున్నారు.