మహిళల్ని సాధారణంగా వేధించే సమస్యల్లో ముఖ్యమైనవి మూత్ర సంబంధిత వ్యాధులు. సహజంగా ఈ సమస్యలు చిన్నవే అయినా వారిని ఎక్కువగా బాధిస్తూ ఉంటాయి. ఇలాంటి సమస్యల్ని దూరంగా ఉంచుకోవాలంటే సాధారణంగా మనం రోజూ తీసుకునే ఆహారంలోనే కొన్ని రకాల పదార్ధాలు తరచూ తీసుకోవడం ఎంతో ముఖ్యం. వాటిల్లో క్యాబేజీ, కాలీ ఫ్లవర్‌లాంటి కూరగాయల్లో ఉండే విటమిన్‌ కె, విటమిన్‌ సి, పీచు పదార్ధాలు బరువుని అదుపులో ఉంచి, రోగనిరోధక శక్తిని పెంచుతాయి. అందువల్ల మూత్ర పిండ సంబంధిత వ్యాధులు, తద్వారా వచ్చే మూత్ర పిండాల్లో రాళ్లు ఏర్పడడంలాంటి సమస్యలు తలెత్తకుండా ఉంటాయి. మనం రోజూ తీసుకునే ఉల్లిపాయలు శరీరంలోని వ్యర్థాలను బయటికి పంపే మూత్ర పిండాలకు రక్త ప్రసరణ సక్రమంగా అందేలా చేస్తాయి. అలాగే వెల్లుల్లి, క్యారెట్‌, ముల్లంగి వంటి వాటిని తీసుకోవడం వల్ల మూత్రపిండాల్లో తరచూ వచ్చే ఇన్ఫెక్షన్లు వంటివి దరి చేరకుండా చేసి, మూత్ర పిండాలకు మేలు చేస్తాయి.