మాస్తిగుడి చిత్రీకరణ సమయంలో నటులు ఉదయ్‌, అనిల్‌ లు మృతికి కారకులైన సినిమా దర్శకుడు నాగశేఖర్‌, సహాయ దర్శకుడు సిద్దూ, ఫైట్‌మాస్టర్‌ రవివర్మలు శనివారం పోలీసుల ఎదుట లొంగిపోయారు. మాగడి పోలీస్‌ స్టేషనకు వచ్చిన వారు లొంగిపోయారు. ఇప్పటికే నిర్మాత సుందర్‌ పి.గౌడ అరెస్టు కాగా జ్యుడీషియల్‌ కస్టడీలో ఉన్నారు. మిగిలిన ముగ్గురు నాలుగు రోజులుగా తప్పించుకుపోగా శనివారం వారే నేరుగా పోలీస్‌ స్టేషనకు వచ్చి లొంగిపోయారు. నటుడు దుని యా విజయ్‌ వీరిని స్వయంగా పోలీసుస్టేషనకు తీసుకువచ్చారు. మీడియా విజయ్‌ను మాట్లాడే ప్రయత్నం చే యగా తాను ఇంకా షాక్‌లో ఉన్నానని ఎ లాంటి విచారణను ఎదుర్కొనేందుకైనా సిద్ధమని బదులిచ్చారు. అనంతరం న్యాయమూర్తి వీరికి ఈనెల 25వరకు జ్యుడీషియల్‌ కస్టడీ విధిస్తూ తీర్పునిచ్చారు.