ప్రముఖ బాలీవుడ్‌ నటి మల్లికా షెరావత్‌పై ఫ్రాన్స్‌లో గుర్తు తెలియని వ్యక్తులు దాడి చేశారు. పారిస్‌లోని ఆమె అపార్టుమెంటులోనే ఈ ఘటన చోటు చేసుకుంది. స్నేహితుడితో కలిపి ఆమె గత శుక్రవారం తన నివాస భవనంలోకి రాగానే ముసుగులు ధరించిన ముగ్గురు దుండగులు ముందు భాష్ప వాయువును ప్రయోగించారు. ఇద్దరూ తేరుకునేంతలోపే వారిని తీవ్రంగా కొట్టి పారిపోయినట్లు పోలీసులు తెలిపారు.కొద్దిసేపటికి కోలుకున్న మల్లిక, ఆమె స్నేహితుడు విషయాన్ని పోలీసులకు తెలిపారు. దోపిడీకి ప్రయత్నించి.. దుండగులు దాడికి పాల్పడి ఉండవచ్చని పోలీసులు భావిస్తున్నారు.