స్కూల్స్ మొదలయ్యాయి కదా మరి పిల్లలకి రుచి రుచిగా అనిపించే ఒక రైస్ ఐటెం చూద్దామా!! అదే క్యాప్సికం మసాలా రైస్!!!

కావలసిన పదార్ధాలు:

• ఉడికించిన అన్నం         - 3 కప్పులు
• నెయ్యి / నూనె            - 1 1/2 టేబుల్ స్పూన్లు
• ఆవాలు                     - 1 టీ స్పూను
• కరివేపాకు                  - 10 రెమ్మలు
• క్యాప్సికం                   - 2 పెద్దవి
• ఉప్పు                        - తగినంత
• కొబ్బరి తురుము          - 1 టేబుల్ స్పూను
• దోరగా వేయించిన వెరుశనగ - 1 టేబుల్ స్పూను

పౌడర్ కొరకు:

• ఎండు మిర్చి               - 3 లేదా 4
• ధనియాలు                 - 1 టేబుల్ స్పూను
• జీలకర్ర                      - 1 1/2 టీ స్పూను
• మినపప్పు                 - 1 టీ స్పూను
• దాల్చిన చెక్క              - 1 ముక్క
• వెఇంచిన వేరు శెనగ      - 2 టేబుల్ స్పూను
• నెయ్యి                        - 1 టీ స్పూను

తయారు చేయు విధానం:

1. ఒక బాండీలో నెయ్యి వేసి, జీలకర్ర, మినపప్పు వేసి వేయించాలి. ఇప్పుడు ఎండుమిర్చి, ధనియాలు, దాల్చిన చెక్క, కరివేపాకు వేసి పచిదనం పోయే దాకా వేయించాలి. చివరగా వేయించిన వెరుశెనగ వేసి మరి కాసేపు వేయించి దించేయాలి. ఈ మిశ్రమాన్ని చల్లారిన తర్వాత పొడి చేసుకోవాలి.
2. ఇప్పుడు అదే బాండీలో నెయ్యి లేదా నూనె వేసి ఆవాలు వేయండి. ఆవాలు చిటపట లాడిన తర్వాత కరివేపాకు వేసి అవి కాస్త క్రిస్పీ గా అయ్యే దాక వేయించండి.
3. తరిగి పెట్టుకున్న క్యాప్సికం ముక్కలను వేసి ఒక 3 నిమిషాల పాటు వేయించండి. క్యాప్సిచుం ని మరీ వేయిన్చండ్డు అవి కాస్త కరకర మంటేనే బాగుంటుంది. ఇప్పుడు ఉప్పు వేసి కలపండి.
4. ఇప్పుడు ఉడికించిన అన్నం వేసి బాగా కలపండి.
5. కొబ్బరి తురుము, వేయించిన వెరుశెనగ, దంచి పెట్టుకున్న పొడి వేసి బాగా కలపాలి.
6. అంతే ఎంతో రుచిగా ఉండే క్యాప్సికం రైస్ రెడీ..ఇది ఏదన్న గ్రేవీ తో, పచ్చడితో లేదా పెరుగుతో తింటే చాలా బాగుంటుంది.