ఈ సంవత్సరారంభం నుంచి, ముసాఫా ప్రాంతంలోని బహిరంగ ప్రదేశాల్లోనూ, నివాస ప్రాంతాల్లోనూ వదిలివేయబడిన 3142 వాహనాలను గుర్తించి, వాటిలో 2668 వాహనాలను ద అబుధాబీ సిటీ మునిసిపాలిటీ స్వాధీనం చేసుకుంది. వదిలివేయబడ్డ వాహనాలను తరలించడానికి నోటిస్ పీరియడ్ 14 రోజుల నుండి 3 రోజులకు కుదించిన సంగతి విదితమే! అనంతరం యజమానులకు నోటీసు ఇచ్చి, సంబంధిత ఇనస్పెక్టర్ వాహనాలను తరలించే కంపెనీకి తొలగించడానికి పురమాయిస్తారు. ఈ చట్టం ట్రైలర్లు, బోట్లు మరియు అన్ని ఇతర వాహనాలకు వర్తిస్తుంది. జరిమానాగా 3000 దీనర్లు, మరల పునరావృతమైతే అందుకు రెండింతలు విధించబడుతుందని అధికారులు హెచ్చరించారు.

--సి.శ్రీ(దుబాయ్)