మినిస్ట్రీ ఆఫ్‌ ఇంటీరియర్‌ - సెర్చ్‌ అండ్‌ ఫాలో అప్‌ డిపార్ట్‌మెంట్‌, అక్రమంగా ఖతార్‌లో నివసిస్తున్నవారిపై చర్యలు తీసుకునేందుకు సిద్ధమవుతోంది. మూడు నెలల అమ్నెస్టీ నేటితో ముగియడంతో త్వరలో దేశవ్యాప్తంగా తనిఖీల్ని నిర్వహిస్తారు. అమ్నెస్టీ గడువు పెంచే అవకాశం లేదని అధికారిక వర్గాల నుంచి సమాచారం అందుతోంది. త్వరలో ఇన్‌స్పెక్షన్‌ క్యాంపెయిన్‌లు ప్రారంభమవుతాయి. అరబిక్‌, ఇంగ్లీషు, హిందీ, బెంగాలీ, నేపాలీస్‌, ఇండోనేసియన్‌, తగలాగ్‌, ఉర్దు, సింహలీస్‌, తమిళ, మలయాళ భాషల్లో అమ్నెస్టీపై పెద్దయెత్తున ప్రచారం నిర్వహించింది ఇప్పటికే మినిస్ట్రీ ఆఫ్‌ ఇంటీరియర్‌. ఎంబసీలు కూడా అమ్నెస్టీపై తమ పౌరుల్ని అప్రమత్తం చేశాయి. చాలావరకు అమ్నెస్టీని వినియోగించుకోగా, అమ్నెస్టీని లెక్కచేయనివారు ఇకపై ఇబ్బందులు ఎదుర్కోవాల్సి వస్తుంది.