జెడ్డా : " నాలుకా...వీపునకు దెబ్బలు తీసుకురావద్దని " పాత కాలం సామెత కానీ, అది కాస్త ఇపుడు మారి " చేతులూ..సామాజిక మాధ్యమాలలో పోస్టులు పెట్టి జైలుశిక్షలు కోరి కోరే తెచ్చుకోవద్దని " ఆధునీకరించాల్సిఉంది.. నా పేజీ...నా ఇష్టం అనుకోవడం సెండ్ బటన్ నొక్కనంతవరకే ..పబ్లిక్ లోనికి పోస్ట్ ఒకసారి వెళ్లిందో ..వేల కళ్ళు వాటిని చదువుతాయిని కొందరు తరచూ మర్చిపోతుంటారు. రియాద్ ప్రత్యేక నేర న్యాయస్థానం ఒక సౌదీ వ్యక్తికి 10 సంవత్సరాల జైలుశిక్ష, 50,000 వేల సౌదీ రియాళ్ళు జరిమానా మరియు జైలు నుంచి విడుదల అయిన తర్వాత కింగ్డమ్ ను విడిచి వెలుపల ప్రయాణ నిషేధ శిక్ష విధించింది. ఆ  ముద్దాయి తన ట్విట్టర్ ఖాతా ద్వారా దేష్  తీవ్రవాద సంస్థకు చెందిన వార్తలను పోస్టు చేస్తున్నట్లు కనుగొనబడింది. అంతేకాక తీవ్రవాద గ్రూప్ యొక్క ట్వీట్లు ద్వారా ప్రభావితం కాబడి  వారికి మద్దతు ఇవ్వడమే కాక, భద్రతా సిబ్బంది బెదిరింపు లేఖలు రాసేవాడని ఆరోపణలు వెల్లువెత్తాయి. ఆ వ్యక్తి ఒరిజినల్ ఖాతాను తొలగిస్తే తర్వాత మరో ఒక తప్పుడు ఐ.డి ని  సృష్టించటంతో పాటు తిరిగి తన కార్యకలాపాలు ముద్దాయి కొనసాగిస్తూనే ఉన్నాడని కనుగొనబడింది.