ఎపికి తుపాను హెచ్చరిక కారణంగా, నోట్ల రద్దు సమస్యలను దృష్టిలో ఉంచుకుని ఎపి ముఖ్యమంత్రి చంద్రబాబు నాయుడు తన విదేశీ పర్యటనను వాయిదా వేసుకున్నారని అదికార వర్గాలు తెలిపాయి.విపత్తు నిర్వహణ అదికారులు, బ్యాంకుల అదికారులతో ఆయన టెలీకాన్ఫరెస్న్ నిర్వహించారు. అదికారులు అప్రమత్తంగా ఉండాలని ఆయన సూచించారు.చంద్రబాబు బృందం దుబాయి పర్యటించడానికి ఏర్పాట్లు చేసుకున్న సంగతి తెలిసిందే. కాగా వర్ద తుపాను క్రమేపి బలపడుతోందని, అది తీవ్ర తుపానుగా మారే అవకాశం ఉందని వాతావరణ కేంద్రం తెలిపింది.తుపాను కదలికల ప్రకారం మచిలీపట్నం-నెల్లూరుల మధ్య ఈనెల 12వ తేదీ మధ్యాహ్నానికి తీరాన్ని తాకే అవకాశం ఉందని వాతావరణ నిపుణులు భావిస్తున్నారు. సోమవారం నాడు పలు చోట్ల భారీ వర్షాలు కురిసే అవకాశం ఉందని అంటున్నారు.