కెన్యాలో ఘోర రోడ్డు ప్రమాదం జరిగింది. ఈ ఘటనలో 30 మంది దుర్మరణం చెందగా, పలువురు తీవ్రంగా గాయపడ్డారు. శనివారం అర్ధరాత్రి నైరోబి-నైవిషా హైవేపై పెట్రోల్ ట్యాంకర్ వాహనాలను ఢీకొట్టి పేలిపోవడంతో ఈ ప్రమాదం చోటు చేసుకుంది. పెట్రోల్ ట్యాంకర్ నుంచి ఒక్కసారిగా మంటలు చెలరేగడంతో ఒక బస్సు సహా 10 కార్లు పూర్తిగా దగ్ధమయ్యాయి. క్షతగాత్రులను చికిత్స నిమిత్తం ఆస్పత్రులకు తరలించారు. పెట్రోల్ ట్యాంకర్ డ్రైవర్ నిర్లక్ష్యం వల్లే ప్రమాదం జరిగినట్లు అధికారులు పేర్కొన్నారు. సహాయ కార్యక్రమాలు చేపట్టారు. మృతుల సంఖ్య పెరిగే అవకాశం ఉన్నట్లు తెలియవచ్చింది.