దుబాయ్‌ నుంచి షార్జా వెళ్ళే దారిలో షేక్‌ జాయెద్‌ రోడ్డుపై అగ్ని ప్రమాదం చోటుచేసుకుంది. నిస్సాన్‌ సలూన్‌, మిట్‌సుబిషి పజెరోని వెనుకనుండి ఢీకొన్న కాస్సేపట్లోనే మంటలు వ్యాపించాయి. ఈ ప్రమాదం నుంచి రెండు వాహనాలకు చెందిన డ్రైవర్లు క్షేమంగా బయటపడ్డారు. తగలబడిన నిస్సాన్‌ వాహనాన్ని సివిల్‌ డిఫెన్స్‌ సిబ్బంది తొలగించి, ట్రాఫిక్‌ని క్లియర్‌ చేశారు. గ్రాండ్‌ మిడ్‌వెస్ట్‌ హోటల్‌ సమీపంలో ఈ ప్రమాదం జరిగింది. షేక్‌ జాయెద్‌ రోడ్‌లో తాను ప్రయాణిస్తుండగా, తగలబడిపోతున్న కారుని చూసినట్లుగా ప్రత్యక్ష సాక్షి ఒకరు చెప్పారు. ఈ ప్రమాదానికి సంబంధించి పూర్తి వివరాలు వెల్లడి కావాల్సి ఉంది.