రైల్వేశాఖ మరో ప్రయోగానికి సిద్ధమైంది. రాజధాని, శతాబ్ది, దురంతో రైళ్లలో మిగిలిపోయిన టికెట్లపై డిస్కౌంట్‌ను ప్రకటించింది. ఈ నెల 15 నుంచి మే 31 వరకు ఆయా టికెట్లపై పదిశాతం తగ్గింపును అమలు చేయనున్నట్లు రైల్వేశాఖ ప్రకటించింది. చార్ట్‌ ప్రిపేర్‌ అయిన తర్వాత కూడా మిగిలిపోయిన సీట్లపై ఈ తగ్గింపు వర్తిస్తుంది. వీటిని రైలు బయల్దేరే అరగంట ముందు కరెంట్‌ కౌంటర్లలో గానీ, ఐఆర్‌సీటీసీ వెబ్‌సైట్‌ ద్వారా కొనుగోలు చేయొచ్చని ఆ శాఖ తెలిపింది. కాగా ఈ ఏడాది సెప్టెంబర్‌ 9 నుంచి ఆయా రైళ్లలో ఫ్లెక్సీ ఫేర్‌ విధానం అమల్లో ఉన్న సంగతి తెలిసిందే.