స్టయిలీష్ విలన్ తో బాలీవుడ్ హీరోయిన్ రొమాన్స్.. ఇప్పుడు హాట్ టాపిక్ గా మారింది. అప్పట్లో రోజా, బొంబాయి.. చిత్రాలతో లవ్వర్ భాయ్ గా మారాడు అరవింద్ స్వామి. ఇప్పుడు సెకండ్ ఇన్నింగ్స్ లో స్టయిలీష్ విలన్ గా ఇరగదీస్తున్నాడు. తమిళ్ 'తని ఒరువన్', ఈ చిత్రం తెలుగు రిమేక్ 'ధృవ'లోనూ విలన్ గా హీరో కంటే అద్భుతమైన నటనతో ఆకట్టుకొన్నాడు. సెకండ్ ఇన్నింగ్స్ లో అరవింద్ స్వామి మళ్లీ హీరోగా మారబోతున్నాడు.

మళయాళ సూపర్ హిట్ చిత్రం 'భాస్కర్‌ ద రాస్కెల్‌' తమిళ్ రిమేక్ లో అరవింద్ స్వామి హీరోగా నటించబోతున్నారు. సిద్ధిఖీ దర్శకుడు. మొదట సూపర్ స్టార్ రజనీతో 'భాస్కర్‌ ద రాస్కెల్‌' రిమేక్ చేయాలని ప్రయత్నించారు.
రజనీ నో చెప్పడంతో ఆ అవకాశం అరవింద్ స్వామికి దక్కింది.

ఈ రిమేక్ లో అరవింద్ స్వామి సరసన బాలీవుడ్ బ్యూటీ సోనాక్షి సిన్హాని నటింపజేయాలని ట్రై చేస్తునట్టు తెలుస్తోంది. ఇప్పటికే కోలీవుడ్ లో సూపర్ స్టార్ రజనీ సరసన 'లింగా' చిత్రంలో నటించింది. మరీ.. ఇప్పుడు అరవింద్ స్వామి సినిమా కోసం సోనాక్షి 'ఎస్' అంటుందా.. ? లేదా.. ?? అన్నది ఆసక్తిగా మారింది. సోనాక్షి ఎస్ అంటే స్టయిలీష్ విలన్ తో ఫుల్ రొమాన్స్ లో మునిగిపోయినట్టే.. !