ఓ మొబైల్‌ ఫోన్‌ దుకాణంలోకి చొరబడి, 25 మొబైల్‌ ఫోన్లను, 100 వాచ్‌లను, ఓ ల్యాప్‌టాప్‌తోపాటు కొంత నగదుని కాజేసిన కేసుకు సంబంధించి మొరాకోకి చెందిన ఓ వ్యక్తికి దోహా క్రిమినల్‌ కోర్టు ఐదేళ్ళ జైలు శిక్ష విధించింది. జైలు శిక్షతోపాటు దేశబహిష్కరణ శిక్ష కూడా విధించింది న్యాయస్థానం. ఐరన్‌ రాడ్‌తో ఓ షాపు డోర్‌ని బద్దలుగొట్టి, నిందితుడు ఈ దొంగతనానికి పాల్పడ్డాడు. షాపు యజమాని ఈ ఘటనపై పోలీసులకు ఫిర్యాదు చేయగా, పోలీసులు కేసు విచారణ చేపట్టి, నిందితుడ్ని కోర్టులో హాజరు పరచడం జరిగింది.