కన్నడలో శివరాజ్ కుమార్ హీరోగా, పి.వాసు దర్శకత్వంలో గతేడాది సూపర్ హిట్ అయిన చిత్రం" శివలింగ". ఇప్పుడు అదే"శివలింగ" పేరుతో తెలుగులో ఈ చిత్రం రీమేక్ అవుతొంది. లారెన్స్, రితికాసింగ్ జంటగా దర్శకుడు పి.వాసు ఈ సినిమాను తెరమీదకు తీసుకువస్తున్నారు. 30 కొట్ల భారీ బడ్జెట్ తో అభిషేక్ ఫిలింస్ పతాకంపై రమేష్ పి. పిళ్లై శివలింగను తెరకెక్కిస్తున్నారు. ఎస్.ఎస్. థమన్ సంగీతాన్ని అందించిన ఈ సినిమా సింగిల్ ట్రాక్ ను శుక్రవారం యుట్యూబ్ లో విడుదల చెయనున్నారు. ఈ సందర్బంగా నిర్మాత మాట్లాడుతూ.. కథే హీరోగా కన్నడ లో బ్లాక్ బస్టర్ అయిన చిత్రం 'శివలింగ'. పి.వాసు గారి చంద్రముఖి, లారెన్స్ కాంచన , గంగ చిత్రాలను మించిన కథ, కథనాలతో హార్రర్ ఎంటర్ టైనర్ గా శివలింగ తెరకెక్కుతోంది .చిత్రీకరణ పూర్తయింది. నిర్మాణాంతర కార్యక్రమాలు జరుగుతున్నాయి. తమన్ సంగీతాన్ని అందించిన సింగిల్ ట్రాక్ ను శుక్రవారం విడుదల చేయనున్నాము. త్వరలొ పాటలను,  ఫిబ్రవరి లో సినిమాను విడుదల చెస్తాము. హార్రర్ కాన్సెప్ట్ ల పరంగా శివలింగ నెక్ట్స్ లెవెల్ లొ ఉండే చిత్రమని అన్నారు..
రాఘ‌వ‌లారెన్స్‌, రితిక సింగ్‌, వ‌డివేలు, శ‌క్తివాసు, రాధార‌వి, జ‌య‌ప్ర‌కాష్‌, ప్ర‌దీప్ రావ‌త్ త‌దిత‌రులు న‌టిస్తున్న ఈ చిత్రానికి సినిమాటోగ్ర‌ఫీః స‌ర్వేష్ మురారి. మ్యూజిక్ః ఎస్‌.ఎస్‌.థ‌మ‌న్‌, సాహిత్యంః రామ‌జోగ‌య్య శాస్త్రి, ఆర్ట్ః దురైరాజ్‌, ఫైట్స్ః అన‌ల్ అర‌సు, దినేష్‌, ఎడిటింగ్ః సురేష్‌, నిర్మాతః ర‌మేష్‌.పి.పిళ్లై , దర్శకత్వం : పి.వాసు.