బుల్లి తెరపై వివిధ ప్రోగ్రాంలకు యాంకర్లుగా పని చేస్తున్నవారు ఈ మధ్య సినిమా హీరోయిన్లుగా అదరగొడుతున్నారు. అవకాశం ఇవ్వాలే కాని తమ సత్తా ఏంటో నిరూపిస్తున్నారు. జబర్దస్త్ యాంకర్లు అనసూయ, రెష్మిగౌతమ్‌ ఈ కోవలోకే వస్తారు. మొదట యాంకర్లుగా ఉన్న వీరు, 'సోగ్గాడే చిన్నినాయనా'తో అనసూయ, గుంటూరు టాకీసుతో రష్మి తమ అదృష్టాన్ని పరీక్షించుకున్నారు. అయితే రెష్మి కొంత వరకు సక్సెస్ అవగా, అనసూయకు మాత్రం కలిసి రాలేదు. గుంటూరు టాకీస్ చిత్రం ద్వారా తన అంద చందాలతో కుర్రకారును చిర్రెత్తించిన రెష్మి తర్వాత కూడా కొనసాగుతుంది. కాని ఏజ్ కాస్త ఎక్కువగా కనిపించిందో ఏమో కాని అనసూయను ప్రేక్షకులు అంతగా ఆదరించలేదు. అందుకేనేమో ఈ మధ్య సినిమాల నుంచి కూడా కాస్త మాత్రం వెనక్కి తగ్గింది.ఏదేమైనా ఇదే కోవలో మరో యాంకర్ లాస్య కూడా వచ్చి చేరింది. నిజానికి అనసూయ, రష్మితో పోలిస్తే ట్రెడిషనల్‌గానే ఎక్కువగా కనిపించే లాస్య ఆకట్టుకునే స్మయిల్, ఎట్రాక్ట్ చేసే ఫిజిక్‌తో హీరోయిన్ అవకాశం కొట్టేసింది. ఆ సినిమా పేరు 'రాజా మీరు కేక'. రేవంత్, నోయల్, మిర్చి హేమంత్ ఇందులో లీడ్ రోల్స్ చేశారు.

యాంకర్ నుంచి హీరోయిన్‌గా రష్మి, అనసూయ తర్వాత వస్తున్న లాస్య ప్రేక్షకులను ఏ విధంగా ఆకట్టుకుంటుందో చూడాలి.