కావలసిన పదార్థాలు: మొక్కజొన్న పిండి, పుల్లటి పెరుగు - ఒక్కోటి రెండు కప్పులు, క్యారెట్‌ (తురుము) - ఒకటి, కొత్తిమీర (తరుగు)- గుప్పెడు, కరివేపాకు (సన్నగా తరిగి) - ఒక రెమ్మ, నూనె - రెండు టేబుల్‌ స్పూన్లు, జీలకర్ర, ఆవాలు, పచ్చిశెనగపప్పు - ఒక్కో టీస్పూన్‌, బేకింగ్‌సోడా - చిటికెడు. 
తయారీ విధానం: తాలింపు గిన్నెలో నూనె వేసి అది వేడెక్కాక ఆవాలు, జీలకర్ర, పచ్చి శెనగపప్పులు వేసి వేగించాలి. ఇందులోనే మొక్కజొన్న పిండి కలిపి కొన్ని నిమిషాలు వేగించాలి. (టైంలేకపోతే మొక్కజొన్న పిండి వేగించకుండా వాడుకోవచ్చు.) స్టవ్‌ ఆపేసి క్యారెట్‌ తురుము, కరివేపాకు, కొత్తిమీర తరుగు, పెరుగు, ఉప్పు వేసి బాగా కలిపి పావుగంట పక్కన పెట్టాలి. ఆ తరువాత నీళ్లు పోసి బేకింగ్‌ సోడా వేసి ఇడ్లీ పిండిలా కలిపి ఇడ్లీలు వేసుకోవాలి. కొబ్బరి లేదా పుదీనా చట్నీలతో వీటిని తినాలి.