ఎమిఏటీ వ్యక్తి ఒకరు తన వాహనాన్ని నిర్లక్ష్యంగా నడిపిన నేరానికిగాను, 100,000 దిర్హామ్‌లు చెల్లించవలసి ఉంటుంది. పోలీసు రికార్డుల ప్రకారం ఇంపౌండ్‌ అయిన తన వెహికిల్‌ని తిరిగి తీసుకోవడానికి ఈ మొత్తం అతను చెల్లించాల్సిందే. వైస్‌ ప్రెసిడెంట్‌, ప్రైమ్‌ మినిస్టర్‌ ఆఫ్‌ యూఏఈ, దుబాయ్‌ రూలర్‌ షేక్‌ మొహమ్మద్‌ బిన్‌ రషీద్‌ అల్‌ మక్తౌమ్‌, 2015 ఆగస్ట్‌లో ఓ డిక్రీని విడుదల చేశారు. రోడ్లపై అతి వేగంతో, నిర్లక్ష్యంగా దూసుకెళ్ళే వాహనాల్ని నిలువరించేందుకు దుబాయ్‌ పోలీసులకు అన్ని అధికారాల్ని కట్టబెడుతూ డిక్రీని తీసుకురావడం జరిగింది. ఈ రూల్‌ అమల్లోకి వచ్చిన తర్వాత 2016లో మొత్తం 1,226 వాహనాల్ని అదుపులోకి తీసుకున్నారు. ఓ బైకర్‌, 50,000 దిర్హామ్‌లు చెల్లించాడనీ, పేవ్‌మెంట్‌పై వాహనాన్ని నడిపిన నేరానికి ఈ జరీమానా విధించడం జరిగిందని దుబాయ్‌ ట్రాఫిక్‌ పోలీస్‌ డిప్యూటీ డైరెక్టర్‌ కల్నల్‌ జమాల్‌ అల్‌ బనాయ్‌ చెప్పారు. పోలీసు డాక్యుమెంట్ల ప్రకారం 2016లో 31 మంది మోటరిస్టులు అక్రమంగా స్ట్రీట్‌ రేసుల్ని నిర్వహించారు. 325 వాహనాల్ని రెక్లెస్‌ డ్రైవింగ్‌ నేపథ్యంలో స్వాధీనం చేసుకున్నారు.