దుబాయ్‌ ఇంటర్నేషనల్‌ ఎయిర్‌పోర్ట్‌, 'వరల్డ్‌ బిజీయెస్ట్‌ ఎయిర్‌పోర్ట్‌ ఫర్‌ ఇంటర్నేషనల్‌ ప్యాసింజర్స్‌' టైటిల్‌ని ఇంకోసారి నిలబెట్టుకుంది. 7.2 శాతం వృద్ధితో, 83.6 మిలియన్‌ ప్రయాణీకులతో దుబాయ్‌ ఇంటర్నేషనల్‌ ఎయిర్‌పోర్ట్‌ మరోసారి ఈ ఘనతను తన ఖాతాలో వేసుకుంది. 2015లో ఈ సంఖ్య 78 మిలియన్లుగా ఉంది. 2017 నాటికి 89 మిలియన్‌ ప్యాసింజర్లను లక్ష్యంగా పెట్టుకున్నామని ఎయిర్‌పోర్ట్‌ వర్గాలు తెలిపాయి. ఏడాదికి 90 మిలియన్ల మందికి సేవలందించేలా ఎప్పటికప్పుడు సరికొత్తగా విస్తరణ కార్యక్రమాలు చేపడుతున్నట్లు అధికారులు చెప్పారు. ఇంటర్నేషనల్‌ హబ్‌కి సంబంధించి 260 డెస్టినేషన్స్‌కి 100కి పైగా ఎయిర్‌లైన్స్‌ తమ విమాన సర్వీసుల్ని నడుపుతున్నాయి దుబాయ్‌ ఇంటర్నేషనల్‌ ఎయిర్‌పోర్ట్‌ నుంచి. ఇంకో వైపున దుబాయ్‌కి చెందిన రెండవ ఎయిర్‌పోర్ట్‌ అల్‌ మక్తౌమ్‌ ఇంటర్నేషనల్‌ 2013లో ప్రారంభం కాగా, పూర్తిస్థాయిలో ఆపరేషనల్‌ మోడ్‌లోకి వస్తే ఏడాదికి 120 మిలియన్‌ ప్యాసింజర్లకు సేవలు అందించగలదు.