అనుకున్నట్టే అయ్యింది.. తమిళనాడులో చిన్నమ్మ శశికళే రాష్ట్ర ముఖ్యమంత్రి కాబోతోంది. చెన్నైలో ఆదివారం మధ్యాహ్నం జరిగిన అధికార అన్నాడీఎంకే పార్టీ సమావేశంలో ఆమెను శాసనసభాపక్ష నేతగా ఏకగ్రీవంగా ఎన్నుకొన్నారు. ఇదే సమయంలో సీఎం పదవికి పన్నీర్ సెల్వం రాజీనామా చేశారు. తమిళనాడులో అధికార పగ్గాలను శశికళ చేపట్టేందుకు మార్గం సుగమం చేయడానికి ఆయన వెంటనే తన రాజీనామాని సమర్పించారు.
ఆమె పేరును మొదట సెల్వం ప్రతిపాదించగానే ఎమ్మెల్యేలంతా ఆమోదం తెలిపారు. అన్నాడీఎంకే ఎమ్మెల్యేలు గవర్నర్ అపాయింట్‌మెంట్‌ని కూడా కోరడంతో ఇక శశికళ కొత్త ముఖ్యమంత్రి కావడం ఖాయం. ఆమె వచ్చేవారం రాష్ట్ర ముఖ్యమంత్రిగా ప్రమాణస్వీకారం చేసే అవకాశం ఉంది.