మనామా: దొంగిలించిన వాహనాల్ని అమ్ముతోన్న ఓ ముఠాని పోలీసులు అదుపులోకి తీసుకున్నారు. ఈ విషయాన్ని యాంటీ కరప్షన్‌ మరియు ఎకనమిక్‌ అండ్‌ ఎలక్ట్రానిక్‌ సెక్యూరిటీ డైరెక్టరేట్‌ ధృవీకరించింది. ఇంటర్‌పోల్‌ ఇచ్చిన సమాచారంతో అధికారులు వ్యూహాత్మకంగా వ్యవహరించి ఈ గ్యాంగ్‌ని అరెస్ట్‌ చేశారు. విదేశాల్లో దొంగిలించిన కార్లకు అక్రమంగా ఇక్కడ ఫేక్‌ డాక్యుమెంట్స్‌ సృష్టించి, వాటిని కింగ్‌డమ్‌లో అమ్మేస్తున్నట్లు అధికారులు వెల్లడించారు. చట్టపరమైన చర్యలకోసం పబ్లిక్‌ ప్రాసిక్యూషన్‌కి ఈ గ్యాంగ్‌ని అప్పగించడం జరిగినట్లు డైరెక్టరేట్‌ వర్గాలు వెల్లడించాయి.