గ్రీన్ కార్డు హోల్డర్స్ భయపడక్కర్లేదు
- February 20, 2017
ఏడు ముస్లిం దేశాలను టార్గెట్ గా చేసుకుని అమెరికా అధ్యక్షుడు డొనాల్డ్ ట్రంప్ విడుదల చేసిన ఇమ్మిగ్రేషన్ ఆర్డర్ పై ప్రపంచవ్యాప్తంగా నిరసనలు పెల్లుబిక్కిన సంగతి తెలిసిందే. ఈ నిరసనలతో కొంత వెనక్కి తగ్గిన ట్రంప్ మళ్లీ ఇమ్మిగ్రేషన్ పై కొత్త కార్యనిర్వాహక ఆదేశాలను జారీచేస్తానని చెప్పారు. కానీ ట్రంప్ తీసుకురాబోతున్న పునఃసమీక్షించిన ఇమ్మిగ్రేషన్ ఆర్డర్లోనూ మళ్లీ ఆ ఏడు దేశాలనే టార్గెట్ చేశారట. మళ్లీ ఆ ఏడు ముస్లిం దేశాలనే టార్గెట్ చేసిన ట్రంప్ గ్రీన్ కార్డు హోల్డర్స్ ను ఆ నిషేధం నుంచి మినహాయించారని తెలుస్తోంది. ఇప్పటికే వీసా కలిగి ఉన్న వారిని అమెరికాలోకి ప్రయాణించడానికి అనుమతిస్తారని అధికారులు పేర్కొంటున్నారు..
ఒరిజనల్ ఇమ్మిగ్రేషన్ ఆర్డర్ మాదిరిగానే ఇరాన్, ఇరాక్, సిరియా, యెమెన్, సోమాలియా, సూడాన్, లిబియా దేశాల నుంచి వచ్చే ప్రయాణికులను అమెరికాలోకి అనుమతించరని, పునఃసమీక్షించిన ఆర్డర్లోనూ ఈ దేశాలపై నిషేధం కొనసాగుతుందని సీనియర్ అడ్మినిస్ట్రేషన్ అధికారులు చెబుతున్నారు. అయితే ఈ సారి గ్రీన్ కార్డు హోల్డర్స్ ను, ద్వంద్వ పౌరసత్వం ఉన్నవారిని ఈ నిషేధం నుంచి మినహాయిస్తున్నారని పేర్కొన్నారు.
ప్రస్తుతం డ్రాఫ్ట్ రూపంలో అధికారులందరికీ సర్క్యూలేట్ అయిందని, ఫైనల్ వెర్షన్ త్వరలోనే విడుదల చేస్తామని వైట్ హౌస్ అధికార ప్రతినిధి సారా హకబీ సాండర్స్ చెప్పారు. దీనిపై హోమ్ లాండ్ సెక్యురిటీ డిపార్ట్ మెంట్ వెంటనే స్పందించలేదు. సమీక్షించిన డ్రాఫ్ట్ మళ్లీ ఆ ఏడు దేశాలనే టార్గెట్ చేస్తుందని, కానీ ఈ నిషేధం నుంచి గ్రీన్ కార్డు హోల్డర్స్ ను మినహాయిస్తున్నారని వాల్ స్ట్రీట్ జర్నల్ కూడా రిపోర్టు చేసింది.
తాజా వార్తలు
- దుబాయ్లో భారీగా తగ్గిన బంగారం ధరలు..13 నెలల కనిష్ఠానికి ధర..!!
- KAFD పై దాడులను తీవ్రంగా ఖండించిన GCC..!!
- UNO సూచీలో ఒమన్కు మెరుగైన ర్యాంకు..!!
- కువైట్లో 494 భవనాలు కూల్చివేత.. ఆదేశాలు జారీ..!!
- బహ్రెయిన్లో ‘సెలబ్రేట్ బహ్రెయిన్ 2026’..!!
- దోహా ఫిల్మ్ ఫెస్టివల్ 2026 ఘనంగా ప్రారంభం..!!
- అబుదాబీ ఇంటర్నేషనల్ బోట్ షో 2026కు భారీ స్పందన..
- విశాఖకు మరో ఐటీ కిరీటం..‘బే-టెక్ సిటీ’ నిర్మాణానికి సీఎం ఆదేశం
- బహ్రెయిన్ ఇండియన్ స్కూల్ ఎన్నికలకు షెడ్యూల్ విడుదల..!!
- మస్కట్లో అల్ ఖువైర్ స్ట్రీట్ ఎగ్జిట్ రాత్రివేళ మూసివేత..!!







