గత ఏడాది ‘కళ్యాణ వైభోగమే’ చిత్రంలో కథానాయిక తల్లిగా కనిపించిన నటి రాశి త్వరలో ‘లంక’ అనే చిత్రంతో ప్రేక్షకుల ముందుకు రానున్నారు. రాశి కీలక పాత్ర పోషించిన ఈ చిత్రం ఫస్ట్‌లుక్‌ పోస్టర్‌ను చిత్ర బృందం గురువారం విడుదల చేసింది. థ్రిల్లర్‌ కథాంశంతో చిత్రాన్ని తెరకెక్కిస్తున్నట్లు ప్రచార చిత్రాన్ని చూస్తుంటే తెలుస్తోంది. శ్రీముని దర్శకత్వం వహిస్తున్న ఈ చిత్రాన్ని ఎన్‌. దినేష్‌, ఎన్‌. విష్ణు కుమార్‌లు రోలింగ్‌ రాక్స్‌ ఎంటర్‌టైన్‌మెంట్స్‌ పతాకంపై చిత్రాన్ని నిర్మిస్తున్నారు. ప్రస్తుతం ఈ చిత్రం నిర్మాణానంతర కార్యక్రమాలు జరుపుకొంటున్నట్లు సమాచారం.