ఇవాళ చక చక తయారయ్యే ఒక టిఫిన్ చూద్దాం..పిల్లలకి మరియు పెద్దలకి కూడా నచ్చే ఒక చక్కని వంటకం.. "వెజిటబుల్ మసాలా టోస్ట్"

కావలసిన పదార్ధాలు:

• బ్రెడ్                       - 4
• క్యారట్    - 1
• క్యాప్సికం              - 2
• ఉల్లిపాయలు         - 2 పెద్దవి
• నూనె                    - 2 టేబుల్ స్పూన్లు
• పచ్చి మిర్చి          - 2 (మీ రుచికి సరిపడా)
• పసుపు                 - చిటికెడు
• కారం                    - 1/2 టీ స్పూను
• ఉప్పు                   - సరిపడా
• టమాటో కెచప్     - 1 టేబుల్ స్పూను
• నిమ్మ రసం           - 1 టీ స్పూను
• కొత్తిమీర                - కొద్దిగా

తయారు చేయు విధానం:

• ముందుగా ఒక పెనం తీసుకొని నెయ్యి వేసి బ్రెడ్ ను ఒక వైపు దోరగా కాల్చి పెట్టుకోండి.
• ఇప్పుడు ఒక బండీ తీసుకొని అందులో నూనె వేసి వేడి చేయండి.
• ఇందులో ఉల్లిపాయలు,పచ్చిమిర్చి వేసి ఉల్లిపాయలు బంగారు రంగు వచ్చే దాక వేయించండి.
• ఇప్పుడు తురిమిన క్యారట్, సన్నగా తరిగిన క్యాప్సికం వేసి ఒక 5 - 8 నిమిషాలు వేయించండి.
• ఇప్పుడు ఉప్పు, నిమ్మరసం, టమాటో కెచప్, పసుపు, కారం వేసి మరి కాసేపు వేయించి దించేయండి.
• ఈ మిశ్రమాన్ని బ్రెడ్ మీద కాల్చని వైపు పరిచి మీద మరో బ్రెడ్ పెట్టుకొని తినటమే..