కన్నులులేని నా మనసుకు
కనబడుతు ఉంటావు...
మాటలు రాని నా మౌనంలో
నీ,సిరిమువ్వల సవ్వడులు చేస్తుంటావు...
తెలియని దారుల్లోనే నువ్వుంటుంటావు
నా దారులకు అడ్డే పడుతు
నను నాకు దూరం చేస్తుంటావు...
ఎందుకు మరి ఎందుకు
నా ఎదురుగా నువ్వెందుకు...
నీ తీరం చేరనివ్వవు
తీరని కలలు సృష్టిస్తుంటావు...
నీవే నా ప్రాణం అంటుంటే
నా ప్రాణమే తీస్తుంటావు...

~~అందుకే...చెలియా నా హృదయమా
నీ రూపమే నా ఊపిరై
మన జ్ఞాపకమే నా బ్రతుకై
కన్న కలలు నిజము కాకున్న
ఉన్న ఈ అందమైన ప్రపంచంలో
నీ ఆలోచనల్లో ఆనందంగానే జీవిస్తున్నా

--శేఖర్ మల్యాల