గన్నవరం విమానాశ్రయానికి సేవలందించేందుకు నూతన ఎయిర్‌బస్‌ బుధవారం సాయంత్రం 4.45 నిమిషాలకు చేరుకుంది. దేశవ్యాప్తంగా ఎయిర్‌ ఇండియా లీజుకు తీసుకున్న 14 విమానాల్లో ఒకదాన్ని ఈ విమానాశ్రయానికి కేటాయించటం విశేషం. ఇక్కడి నుంచి హైదరబాద్‌ మీదుగా దిల్లీకి ఈ విమానం సర్వీసులు నడపనున్నట్టు అధికారులు తెలిపారు. కొత్త ఎయిర్‌ బస్‌-320ని డైరెక్టర్‌ మధుసూధనరావు, స్టేషన్‌ మేనేజర్‌ రాజశేఖర్‌లు వైమానికశాఖ ఆనవాయితీ ప్రకారం వాటర్‌ కేనల్‌ సెల్యూట్‌తో స్వాగతించారు.