సొంత బిడ్డల పాలిట కన్నతండ్రే కాలయముడయ్యాడు.  లండన్‌లోని ఓ హోటల్‌లో భారతీయ సంతతికి చెందిన 33 ఏళ్ళ విద్యాసాగర్ రిసెప్షనిస్టుగా పనిచేస్తున్నాడు. రొమేనియాకు చెందిన క్రిస్టినేల డట్కును వివాహం చేసుకున్న దాస్‌కు కవల పిల్లలు.  వీరిలో ఒకరు పాప కాగా, మరొకరు బాబు. లండన్‌లోని ఒక అపార్టుమెంటులో కుటుంబంతో నివసిస్తున్నాడు.  భార్య పనిలో ఉన్న సమయంలో కుమారుడు,కుమార్తెల తలపై సుత్తితో గట్టిగా కొట్టాడు.  ఈ దాడిలో బాబు మృతి చెందగా, పాప తీవ్రంగా గాయపడింది.  కేసు దర్యాప్తులో భాగంగా తీవ్రంగా గాలించిన పోలీసులు ఈనెల 18న దాస్‌ను అరెస్టు చేసి కోర్టులో హాజరుపరిచారు.