మినిస్ట్రీ ఆఫ్‌ జస్టిస్‌, ఖతార్‌లో వృద్ధులు, వికలాంగుల కోసం కొత్త సర్వీస్‌ని ప్రారంభించింది. మినిస్ట్రీకి సంబంధించిన సెంట్‌ర్స్‌ని సందర్శించే వృద్ధులు, వికలాంగులు, వివిధ అనారోగ్యాలతో బాధపడుతున్నవారికి సేవలందించేలా ఈ కొత్త సర్వీస్‌ని ప్రారంభించినట్లు అధికారులు తెలిపారు. అబ్షర్‌ పేరుతో ఈ సర్వీస్‌ని ప్రారంభించారు. ఉచితంగానే, సేవలు అవసరమైనవారింటికి వెళ్ళి వారికి అవసరమైన సహాయం అందించేలా ఈ సర్వీస్‌ని రూపొందించడం జరిగింది. తమ ఇంటి అడ్రస్‌ని ఆన్‌లైన్‌లో పేర్కొనడం ద్వారా, ముందస్తు అపాయింట్‌మెంట్‌ తీసుకుంటే, ఇంటివద్దకే అధికారులు వచ్చి, తగిన సేవలు అందిస్తారు. జైల్లో ఉన్నవారు, రిఫార్మేషన్‌, ప్యునిటివ్‌ సెంటర్స్‌లో ఉన్నవారికీ ఈ సేవలు వర్తిస్తాయి.