ఖతార్ లో ఉరుములతో కూడిన వర్షం, ఈదురుగాలులు సంభవించవచ్చని వాతావరణ శాఖ వెల్లడించింది. గాలుల వేగం 25 కెటికి చేరవచ్చు. అల్‌ రువాయిస్‌, దోహాలలో వర్షాలు పడవచ్చనీ, మిగతా ప్రాంతాల్లో పొడి వాతావరణమే కనిపించవచ్చని వాతావరణ శాఖ వివరించింది. కొన్ని చోట్ల మబ్బుగా ఉన్నా, చాలా చోట్ల ఎండ కొనసాగుతుందనీ, హఠాత్తుగా వాతావరణంలో మార్పులు చోటుచేసుకుని ఉరుములతో కూడిన వర్షం పడవచ్చని చెబుతున్నారు వాతావరణ శాఖఅధికారులు. దేశంలో గరిష్ట ఉష్ణోగ్రతలు 40 డిగ్రీల సెంటీగ్రేడ్‌ నుంచి కనిష్ట ఉష్ణోగ్రతలు 27 డిగ్రీల సెంటీగ్రేడ్‌ ఉండవచ్చు. దోహాలో 29, 38గా ఉష్ణోగ్రతలు నమోదు కావొచ్చు.

--వి.రాజ్ కుమార్(మాగల్ఫ్ ప్రతినిధి,ఖతార్)